Бишкек ЖЭБдеги жарылуу: Орусия жардам берүүгө даяр экенин айтты

Орусия Бишкектеги ЖЭБдеги авариянын кесепеттерин жоюуда кыргыз бийлигине жардам берүүгө даяр. Бул тууралуу Орусиянын премьер-министри Михаил Мишустин Алматыда өтүп жаткан форумда айтты.

"Биз кырдаал жакынкы келечекте жөнгө салынат деп үмүттөнөбүз жана Орусия бардык кесиптештери сыяктуу эле, бул окуяны жоюуга жардам берүүгө дайым даяр", - деди Мишустин.

Белгилей кетсек, 2-февралда түнкү саат үчтөр чамасында Бишкек жылуулук электр борборунда авария болуп, үч киши жабыркаган. Мындан улам президент Садыр Жапаров бул кырдаалды жеке көзөмөлүнө алган болчу.

Автор: Азат Бейшенбеков