Бишкекте токтоп турган унаадан 50 миң сом жана буюмдар уурдалган. Шектүү кармалды

Бишкекте уурулукка шектүү жаран кармалды. Бул тууралуу бүгүн, 6-февралда Биринчи Май РИИБинен билдирди.

Маалыматка ылайык, былтыр 31-декабрда милицияга К.А. аттуу жаран арыз менен кайрылган. Ал белгисиз адамдар Журналная көчөсүндө токтоп турган Nissan Almera үлгүсүндөгү унаасынын ичинен 50 миң сомун, ачкычтардын топтомун жана Редми 9 үлгүсүндөгү 10 миң сомдук телефонун уурдап кетишкенин айткан.

Бул факты боюнча Кылмыш-жаза кодексинин 205-беренесине (Уурдоо) ылайык кылмыш иши козголгон.

Шектүү катары 2005-жылы туулган С.Н. аттуу жаран кармалып, убактылуу кармоочу жайга киргизилген.

Учурда тергөө иштери уланууда.

Автор: Кылымбек Бейшеев
Фото: Биринчи Май РИИБ