"Элит Хаустун" негиздөөчүсү Тимур Файзиев апрелге чейин абакта калтырылды

"Элит Хаус" курулуш компаниясынын негиздөөчүсү Тимур Файзиев апрелге чейин абакта калтырылды. Бул тууралуу маалыматты SUPER.KG порталына Бишкек шаардык сотунан ырастады.

"Сотко УКМКнын тергөөчүсү Файзиевди 4-апрелге чейин абакта калтырууну суранып, кармоо мөөнөтүн узартуу боюнча арыз менен кайрылган. Сот өтүнүчтү канааттандырды", - деп билдиришти мекемеден.

Эскерте кетсек, Файзиевге Кылмыш-жаза кодексинин "Кылмыштуу кирешелерди легализациялоо (адалдоо)" беренеси боюнча кылмыш иши козголгон. Ал былтыр 10-октябрда кармалып, тергөө абагына киргизилген.