Нидерландынын мурдагы премьер-министри жубайы менен чогуу кол кармашып каза болду

Нидерландынын мурдагы премьер-министри Дрис ван Агт жана анын жубайы Евгений бир күндө эвтаназия менен өмүрүн аякташты. Бул тууралуу чет элдик басылмалар жазышты.

Жубайлар 93 жашта болчу. Алар көптөн бери оору менен жабыркап келген. Дарыгерлер менен макулдашуудан кийин жубайлар кол кармашып эвтаназия болушкан.

Жубайлар студент кезинен бери чогуу өмүр сүрүп келишкен.

Ван Агт 1977-1982-жылдары Нидерланддын премьер-министри болуп иштеген. 2019-жылы анын мээсине кан куюлуп, андан кийин ден соолугу калыбына келген эмес.

Эвтаназия - жардам менен суицид Нидерландыда 2002-жылдан бери ар кандай шартта, анын ичинде адам чыдагыс азапка, көптөн бери көз карандысыз өлүүнү каалоого байланыштуу мыйзамдуу. Бул учурда өлүү тууралуу каалоо адис жана дарыгер тарабынан ырасталышы керек.

Автор: Азат Бейшенбеков