Канадада студент акча үнөмдөө үчүн окууга учак менен барып келип окуп жатат

Канадалык студент Тим Чен акча үнөмдөө үчүн окууга учак менен барып келип окуп жатат. Бул тууралуу Daily Mail басылмасы жазды.

Студент өзү Канаданын Калгари шаарында ата-энеси менен жашайт. Ал Британ Колумбия университетинин искусство тарыхы боюнча студенти. Сабактар Ванкуверде жумасына төрт жолу өтөт. Башында Тим башка студенттер сыяктуу эле турак жайды ижарага алганы жаткан. Бирок ижарага алынган кыймылсыз мүлктүн баасы акыркы убакта өтө кымбаттап, пландарды жөнгө салууга туура келген.

Ал акча үнөмдөө үчүн Калгари шаарынан Ванкуверге учак менен барып келип окууну чечкен (болжол менен 680 чакырым). Учуу бир саатка жакын болот жана билет баасы 150 доллар. Ал диплом алганга чейин окуусуна учак менен барып турарын кошумчалаган.

Автор: Азат Бейшенбеков