Путин Ким Чен Ынга Орусияда жасалган унаа белек кылды

Орусиянын президенти Владимир Путин Түндүк Кореянын лидери Ким Чен Ынга Орусияда жасалган автоунаа белек кылды. Бул тууралуу ЦТАК агенттиги билдирди.

18-февралда Түндүк Корея башчысына тартууланган белекти Кореянын Эмгекчилер партиясынын Борбордук Комитетинин секретары Пак Чон Чхон жана Ким Чен Ындын эжеси Ким Ё Чен кабыл алган.

Түндүк Корея лидеринин эжесинин айтымында, бул ишарат эки өлкөнүн лидерлеринин ортосунда түзүлгөн өзгөчө достук мамилелердин ачык-айкын көрсөткүчү.

Унаанын маркасы жана модели тууралуу маалымат айтылган жок.

Эске салсак, былтыр сентябрда Ким Чен Ындын Орусияга иш сапары маалында Путин ага Aurus унаасын көрсөткөн.

Автор: Азат Бейшенбеков