Камила Валиева дисквалификациялангандан кийин Путиндин ага болгон мамилеси белгилүү болду

Орусия президенти Владимир Путин допингге байланыштуу дисквалификацияланган муз тебүүчү Камила Валиеваны колдойт. Бул тууралуу Орусия Федерациясынын башчысынын басма сөз катчысы Дмитрий Песков "Матч ТВ" телеканалына билдирди.

"Президент албетте аны колдойт", - деген Песков.

Валиева кечээ, 21-февралда Казанда өткөн "Келечек оюндарынын" ачылыш аземинде Владимир Путиндин жанында отурган.

29-январда спорт Арбитраждык соту Камила Валиеваны төрт жылга спорттон дисквалификациялаган. Буга байланыштуу ал Пекин Олимпиадасынан уткан командалык эсептеги алтын медалынан ажыраган.

Автор: Азат Бейшенбеков