Баткенде тоноочулукка шектелген жаран кармалды

Лейлекте тоноого шектүү жаран кармалды. Бул тууралуу бүгүн, 26-февралда Баткен ОИИБинин басма сөз кызматы билдирди.

Маалыматка караганда, Лейлек РИИБине Раззаков шаарынын 33 жаштагы тургуну арыз менен кайрылган. Ал 20-февраль күнү базардагы чайканалардын биринде бейтааныш болгон жаран эч бир себепсиз аны уруп, колундагы Xiaomi Redmi кол телефонун тартып алгандыгын айткан.

Бул факты боюнча Кылмыш жаза кодексинин 206-беренеси (Тоноо) менен тергөө амалдары жүргүзүлө баштаган.

22-23-февраль күндөрү жүргүзүлүп жаткан "Арсенал" иш-чарасынын негизинде Раззаков шаарынын 32 жаштагы У.Д. аттуу жаран кармалып, тергөө кызматына өткөрүлүп берилген.

Учурда тергөө иштери уланууда.

Автор: Кылымбек Бейшеев
Фото: Баткен ОИИБ