Орусиянын өкмөтү 1-марттан тарта бензин экспортуна убактылуу тыюу салат. Бул тууралуу чет элдик басылмалар кабарлады.Бензинди экспорттоого убактылуу тыюу салууну Орусиянын вице-премьер-министри Александр Новак сунуштаган. Анын айтымында, жакын арада ички базарда күйүүчү майга болгон суроо-талап жогорулайт. Бул жазгы талаа жумуштарына, мунайды кайра иштетүүчү заводдордогу пландуу оңдоо иштерине, ошондой эле жайкы каникул мезгилине байланыштуу.
Ошондой эле биржада дизель сатуу нормативи 16 пайызга чейин көтөрүлөрү да кошумчаланды.
