Казак аргымагы "Кабирхан" ээсин миллиардер кылышы мүмкүн

Коңшу Казакстандын "Кабирхан" аттуу аргымагы 30-мартта Дубайда өтө турган Дүйнөлүк чемпионатка катышат. Бул тууралуу аргымактын ээлери социалдык тармактагы баракчаларында билдирди.

"Биз "Кабирхандын" Дубайда өтүүчү дүйнөлүк чемпионатка чакырылганын кубанычтуу кабарлайбыз. Бул ат спортунун бардык күйөрмандары үчүн масштабдуу иш-чара. Турнир 30-мартта өтөт.

Дубайдагы дүйнөлүк чемпионат 1996-жылы негизделген дүйнөдөгү эң престиждүү жана кымбат турнирлердин бири. "Кабирхан" анын жеңүүчүсү болууга даяр", - деп жазылат андагы билдирүүдө.

"Кабирхан" престиждүү делген дүйнөлүк чемпионатка 2 башка аралыкта катышуу үчүн катталган. Эгерде ал 2 миль жарышта жеңишке жетсе, анын ээлери 6 миллион 960 миң доллар, ал эми 1,6 миль жарышта жеңишке жетсе, 580 миң доллар алышат.

Учурда аргымак Дубайда даярдыктан өтүүдө.

Автор: Азат Бейшенбеков