Орусиялык саясатчы Алексей Навальныйды акыркы сапарга узатуу иш-чарасы 1-мартта өтөт. Бул тууралуу чет элдик басылмалар жазышууда.
Белгилүү болгондой, анын сөөгү Москва шаарындагы Борисов көрүстөнүнө коюлат.
Эскерте кетсек, 47 жаштагы Навальный 16-февралда Ямало-Ненецк автономиялык округундагы колонияда каза болгон. 24-февралда сөөгү апасы Людмила Навальнаяга берилген.
Саясатчы түрмөдө 2021-жылдын январь айынан бери отурган. Былтыр августта ал 9 жылга эркинен ажыратылган болчу.