Муктаждарга батир берген бет капчан адам: Сырдуу блогер жеке трагедиясы тууралуу айтып берди

Кайрымдуулук менен алектенген беткапчан сырдуу адам жакшылык кылууга эмне ага түрткү бергенин Казакстандын “Атамекен” телеканалына берген маегинде айтып берди.

Телефон аркылуу сүйлөшүүсүндө сырдуу блогер үй-бүлөлүк трагедиясы тууралуу айтып берди.

"Бул, мындайча айтканда, ишке ашкан балалык кыял. Мен өзүм супер баатырлар тууралуу мультфильмдерди көргөндү жакшы көрөм. 2020-жылы атам инсульт алган жана мен үчүн бул жыл абдан оор жыл болгон. Ал экөөбүз кайра иштөөнү, басууну, жазганды, сүрөт тартууну жана башкаларды үйрөндүк. Ошондон кийин менин миссиям адамдарга жардам берүү экенин түшүндүм. Бет капчан адам - бул ар бир адам умтулушу керек болгон образ. Анонимдүү жакшылык кылган ар бир адам бир боло алат", - деген ал.

Белгилей кетсек, беткап кийген адам жүздөгөн адамдарга үй сатып алууга, дарыланууга, унаа сатып алууга жана башка көптөгөн нерселерге жардам берип келет. Жакында эле ал 17 жылдан бери унаа жууп, 4 баласы менен жер төлөдө жашаган бишкектик аялга үй белек кылган.

Автор: Азат Бейшенбеков