Куудул Жакут Сыдыковдун жетекчилиги астында түзүлгөн “Шаты” куудулдар тобунун тушоо кесүү концерти өтөт

Эртең, 20-декабрда Кыргыз драма театрында куудул Жакут Сыдыковдун жетекчилиги астында түзүлгөн “Шаты” куудулдар тобунун тушоо кесүү концерти өтөт . Бул тууралуу Жакут Сыдыков бүгүн, 19-декабрда SUPER.KG порталына билдирди.

“Курамына 4 куудул баланы камтыган бул топ 2007-жылы түзүлгөн. Ар кандай шарттар менен топ биргеликте эл алдына чыга элек. Бирок мага кол-канат болуп гастролдорго чыгып жүрүшкөн. Эртең ушул топтун тушоо кесүү концертин өткөрөлү деп жатабыз”,- дейт куудул.

Андан тышкары “Топтун атын бийиктиктерди багынтуу максатка таяп "Шаты" деп атаганбыз. Курамдагы жигиттер ырчыга да, бийчиге да, алып баруучуга да муктаждыгы жок таланттуу балдар” деп кошумчалады куудул.

Автор: Максат Кудайбердиев