ӨКМ аба ырайына байланыштуу билдирүү таратты

Кыргызгидромет кызматынын билдирүүсүнө ылайык, 1-апрелде түнкүсүн жана эртең менен Талас облусунун дыйканчылык аймактарында -1…-3°ка, Чүй облусунун дыйканчылык аймактарында 0…-2°ка чейин үшүк жүрүшү күтүлөт.

Өзгөчө кырдаалдар министрлиги билдиргендей, мындай үшүк жемиш бактарынын гүлдөрүнө, бүчүрлөрүнө, гүлдөгөн жемиш бактарына кооптуу.

Ошондой эле 1-апрелде күтүлүп жаткан жаан-чачынга жана абанын температурасынын жогорулашына байланыштуу өлкөнүн тоолуу райондорунда жана ашууларда кар көчкүсү жана кар күрткүсү күтүлөт.

Кар көчкү түшүүcү жана кар күрткүсү күтүлгөн акмактардын тизмеси:

Бишкек – Ош унаа жолунун 121-138-чакырымдарында Төө-Ашуу ашуусу;
198-255-чакырымдарында Чычкан капчыгайы Ала-Бел ашуусу;
Мырза-Аке —Кара-Кулжа — Алайкуу 74-107 чакырымы;
Ала –Бука – Каныш –Кыя– Кызыл-Адыр унаа жолунун 68-74, 86-101-чакырымдарында Чапчыма ашуусу;
Кызыл-Бел —Ак-Таш унаа жолунун 0-3 чакырымы;
Каракол – Эңилчек унаа жолунун 45-90 чакырымы, Чоң-Ашуу ашуусу.

Ага ылайык, жолдор тайгак болуп муз тоңот. ӨКМ унаалардын ортосундагы 500 метр аралык кыймыл чектелиши зарылдыгын эскертет.

Автор: Айжанар Рыспек кызы
Фото: интернеттен алынды