Эмгек, социалдык камсыздоо жана миграция министрлиги Биринчи айым жетектеген "Эне - балага тирек" коомдук фондунун колдоосу менен Ак-Суу районунун 1100дөн ашык баласына кийим-кече жана бут кийим тапшырды. Бул тууралуу аталган министрликтен билдиришти.
Ага ылайык, жардам алуучулардын тизмесине тоголок жетим балдар жана муктаждыгы боюнча жөлөк пул алган аз камсыз болгон үй-бүлөлөрдүн балдары киришти.
"Буга чейин да мындай жардамды министрликтин 17 социалдык стационардык мекемелерине берилген. Аларда 2,3 миңден ашык улгайган жарандар, майыптыгы бар адамдар, чоңдор жана психоневрологиялык оорулары бар балдар жашайт", - деп айтылат маалыматта.