ЕАЭБдин энергетика министрлери жалпы энергетикалык рынокторду түзүү маселелерин талкуулашты

ЕЭКтин энергетика жана инфраструктура министри Арзыбек Кожошев төрагалыгы астында Биримдикке мүчө мамлекеттердин ыйгарым укуктуу органдарынын башчыларынын кеңеши – ЕАЭБдин жалпы энергетикалык рынокторун түзүүнүн актуалдуу маселелерин, ошондой эле Евразия экономикалык биримдигинин негизги принциптери жана энергетикалык коопсуздукту камсыз кылуу багыттарын карашты.

ЕЭКтин жогорку деңгээлдеги жолугушуусу 29-мартта болду.

Анда тараптар даярдыктын айрым аспектилерин жана жүрүшүн, эл аралык келишимдер, анын ичинде: Союздун газ, мунай жана мунай продуктыларынын рынокторун жалпы түзүүнү талкуулашты.

"Биз союздук органдардын деңгээлинде макулдашылбаган мазмундуу маселелерди жакынкы убактарда улантууга ниеттенип жатабыз", - деди ЕЭК министри.

Энергетика министрлери ошондой эле жалпы энергетикалык рыноктордун иштешинин курч маселелери боюнча өз ара алгылыктуу чечимдерге жетишүүгө багытталгандыгын ырасташты.

Ошондой эле жолугушуунун жүрүшүндө тараптар мүчө-мамлекеттердин жана бүтүндөй ЕАЭБдин энергетикалык коопсуздугун камсыз кылуу боюнча көрүлүп жаткан чаралардын жетиштүүлүгүн моюнга алып, энергетикалык коопсуздукту бекемдөө боюнча кызматташууну мындан ары да өнүктүрүү ниетин билдиришти.

Арзыбек Кожошев белгилегендей, ЕАЭБге мүчө мамлекеттер бир катар позициялар боюнча биримдикти көрсөтүүдө.

"ЕАЭБге мүчө мамлекеттер бир катар позициялар боюнча биримдикти көрсөтүүдө. Энергетикалык ресурстардын жалпы рынокторун түзүү жана энергетикалык коопсуздукту камсыздоо ЕАЭБ өлкөлөрүнүн жалпы жана маанилүү милдети болуп саналат”, - деди ал өз сөзүндө.

Жыйындын соңунда Орусиянын Энергетика министри Арзыбек Кожошевди "Отун-энергетика комплексин өнүктүрүүгө зор салымын кошкону үчүн" 1-даражадагы атайын медалы менен сыйлады.

Автор: Азат Бейшенбеков