"Өзгөргүм келет" долбоору: “Базарда даараткана тазалап иштейм” дейт 5 баланын энеси

SUPER.KG порталынын "Өзгөргүм келет" долбоорунун бул жолку каарманы беш баланы жалгыз багып, атанын да, апанын да жоопкерчилигин моюнуна артып алган Элиза Маларова аттуу айым болду.

Ал өзү үчүн жаңы кийим сатып алганды, сулуулук салондорго барганды эбак эле унутуп койгонун айтат.

"Эки жылдан бери өзүмө жаңы кийим сатып ала элекмин, эски кийимдеримди эле кийип жүрөм. Салонго деле барбайм, биринчи жолу келип жатам. Чоң кызым 9-класстан окуйт, ал эми эң кичүүсү төрт жашта. Жолдошум Орусияга иштеп келем деп кеткен боюнча эки жылдан бери кабарлашпайт, беш баланын түйшүгү жалгыз өзүмдүн моюнумда", - дейт каарманыбыз.

Ал келечекте өзүнүн үйү болушун кыялдана турганын айтып берди.

Биздин портал "Өзгөргүм келет" долбоору аркылуу Элиза айымды бир күнгө болсо да бардык көйгөйлөрүн четке түртүп, жакшы эмоция тартуулаганы аракет жасадык.

Жардам берүүнү каалагандар үчүн:

Маларова Элиза
МБАНК: 0500 379 539
Байланыш номери : 0500 379 539

Долбоордун кезектеги чыгарылышын толугу менен SUPER.KG порталынын YouTube каналынан көрүңүздөр.