Ошто кооптуу аймактарда жашагандарга көчүүгө эскертүү берилди

Ош облусунун Өзгөн районунун аймагынын тургундарына көчүү боюнча эскертүү берилди. Бул тууралуу бүгүн, 3-апрелде ӨКМден билдиришти.

Ага ылайык, учурда жер көчкү кооптуулугу бар аймактарда жашаган жалпы 1597 турак жай бар.

"Аталган аймактык тургундарына жарандык коргонуу кызматынын комиссиясы тарабынан тургундарга кооптуу аймактан көчүү боюнча эскертүү берилди", - деп айтылат маалыматта.

Белгилей кетсек, кооптуу аймактарда жашаган жарандарга ӨКМ тарабынан жыл сайын кооптуу аймактан көчүү боюнча эскертүүлөр берилип келет.

Автор: Максуда Кудайбердиева.