"Арстанбап" пансионаты менен "Арстанбап-Ата" турпансионаты мамлекетке өттү

"Арстанбап" пансионаты менен "Арстанбап-Ата" турпансионаты мамлекетке өттү. Бул тууралуу президенттин иш башкаруучусу Каныбек Туманбаев билдирди.

Маалыматка караганда, президенттин тапшырмасы менен аталган жайлар көрктөндүрүлөт.

"Президенттин тапшырмасы менен аталган эс алуу жайларына жаңы дем берилет. Профсоюздар федерациясынын карамагындагы дээрлик бардык эс алуу жайлар талкаланып, жараксыз абалга келген. Биздин миссия инвестициялык долбоорлор же өз күчүбүз менен заман талабына ылайык оңдоп-түзөөдөн өткөрүп, пайда алып келе турган даражада эффективдүү иштеп кетүүсүнө шарт түзүү болуп эсептелет", - деп билдирди Туманбаев.