"Борбор Азиядан". "Крокустагы" терактка шектелип дагы үч адам кармалды

Орусиянын Федералдык коопсуздук кызматы Москванын четиндеги "Крокус Сити Холл" борборунда теракт уюштурууга шектелген дагы үч адамды кармады. Мындай маалымат бүгүн, 4-апрелде белгилүү болду.

Белгиленгендей, террорчулардын шериктери Москва, Екатеринбург жана Омск шаарларында кармалган. Федералдык кызматтын маалыматы боюнча, бул иш боюнча жаңы эки айыпталуучу кол салууда колдонулган курал-жарактарды жана унааларды сатып алуу үчүн террорчуларга акча которгон. Үчүнчү шектүү террорчуларды каржылоого түздөн-түз катышкан. Кармалган үчөө тең Борбор Азиядан.

"Крокустагы" теракт 22-март күнү кечинде болгон. Натыйжада 144 адам каза болуп, 500дөн ашууну жарадар болгон. Иштин алкагында 11 адам кармалып, анын 10у камакка алынган.