Борбордо өлкөнүн эмгек сиңирген артисти Тилек Найманбаевдин концерти өттү

Кечээ, 16-апрелда өлкөнүн эмгек сиңирген артисти Тилек Найманбаев А. Малдыбаев атындагы Кыргыз улуттук опера жана балет театрында жеке концертин тартуулады. Бул тууралуу Маданият, маалымат, спорт жана жаштар саясаты министрлигинен билдиришти.

Ага маданият, маалымат, спорт жана жаштар саясаты министринин орун басары Айнура Аскарова, маданият өкүлдөрү жана Тилек Найманбаевдин күйөрмандары күбө болушту.

Концертте эмгек сиңирген артисттин сахналаш кесиптештери Кыргызстандын эл артисттери Керим Турапов, Расул Маматкулов, ошондой эле Токтогул Рысалиев, Дмитрий Жумалиев жана башкалар менен бирге дүйнөлүк жана кыргыз чыгармаларын аткарышты.