Былтыр прокуратура органдары 18 миллиард 109 миллион сомдук мыйзам бузууларды аныктады. Бул тууралуу бүгүн, 17-апрелдеги Жогорку Кеңештин жыйынында башкы прокурор Курманкул Зулушев билдирди.
Анын айтымында, аныкталган сумманын 93 пайызы өндүрүлгөн.
"16 миллиард 923 миллион сому өндүрүлдү. Бул 93 пайызын түзөт. Анын ичинен 4 миллиард 558 миллион сому нак акчалай болсо, 12 миллиард 364 миллион сому натуралдык түрдө (объекттер, курулуштар, жерлер) өндүрүлдү", - деди Зулушев.