Салтанат Нукенова каза болгон бөлмөдө анын манжа издери табылган эмес

Астананын кылмыш иштери боюнча адистештирилген райондор аралык сотунда Куандык Бишимбаев менен Бахытжан Байжановго карата соттук отурум уланууда. Бул тууралуу Казакстандын жергиликтүү басылмалары жазышты.

Андагы маалыматка ылайык, бүгүн, 17-апрелде тараптар кылмыш ишинин материалдарын иликтөөнү улантышты.

Бишимбаевдин жактоочусу Назкен Кусаинова "Bau" ресторанындагы бөлмөлөрдүн мүнөздөмөсүн окуп берди. Бул учурда жабырлануучу тараптын өкүлү Игорь Вранчев Салтанат Нукенова каза болуп жаткан VIP-1 бөлмөсүндө бир дагы манжа изи табылбаганына көңүл бурду.

Ушуга байланыштуу Вранчев Бишимбаевден муну кантип түшүндүрүп бере ала тургандыгын сурады. Бирок Бишимбаев жооп бере алган жок. Андан соң Вранчев Бишимбаевден VIP-1 бөлмсүнөн Нукенованын манжа издерин жоготуу үчүн нашатырь спиртин же башка каражаттарды колдонгонун сурады.

"Эч качан. Мен аны кантип колдонууну билбейм. Аны кантип колдонуу керектигин Байжанов көрсөткөн", - деп жооп берген Бишимбаев.