Бишкекте токтоп турган унааны айдап качкан шектүү кармалды

Бишкекте токтоп турган унааны айдап качканга шектелип 30 жаштагы жаран кармалды. Бул тууралуу Ленин РИИБинен билдирди.

Маалыматка ылайык, 13-апрелде милицияга Н.Ш. аттуу жаран арыз менен кайрылган. Ал ошол эле күнү болжол менен түнкү саат 03:40 чамасында белгисиз адам Заводской көчөсүндө токтоп турган Volkswagen GoIf үлгүсүндөгү унаасын айдап кеткенин айткан.

Аталган факты боюнча Кылмыш-жаза кодексинин 211-беренесине (Автомотокаражатын айдап качуу) ылайык кылмыш иши козголгон.

Шектүү катары 1994-жылы туулган А.А. аттуу жаран кармалып, соттун чечими менен тергөө абагына бир айга камакка алынган.

Учурда тергөө иштери уланууда.

Автор: Кылымбек Бейшеев
Фото: Ленин РИИБ