Италияда 12 жашар кыргызстандык спортчу көркөм гимнастика боюнча Эл аралык мелдештин жеңүүчүсү болду. Бул тууралуу бүгүн, 30-апрелде Дене тарбия жана спорт департаментинен билдиришти.
Маалымдалгандай, кыргызстандык жаш спортчу кыз Салима Султан Италияда өткөн көркөм гимнастика боюнча эл аралык турнирдин жеңүүчүсү аталды.
Ага ылайык, мелдештер 27-апрелде Италиянын борбору Рим шаарында өттү. Анда Салима Султан (2012-жылы туулган) 20дан ашык спортчуну артка калтырып алтын медалды багындырды.