Милиция семичкенин баштыгына салынган кара куурай боюнча иликтөө иштерин баштады (видео)

Жаран семичканын баштыгына салынган кара куурайды өз ыктыяры менен өткөрүп берди. Бул тууралуу Бишкек ШИИББинен билдирди.

Маалыматка ылайык, 30-апрелде милицияга 1995-жылы туулган жаран өз ыктыяры менен 11 даана белгисиз өсүмдүктүн уругун өткөрүп берген. Анын айтымында, ошол эле күнү саат 11:00 чамасында бир жаран Бириккен Араб Эмираттарынан досу тосуп аларын айтып, ага семичканын баштыгына салынган жөнөтмө (посылка) берип, ала кетүүсүн суранган.

"Териштирүүнүн жыйынтыгында бул ишке Ысык-Көл облусунун Жети-Өгүз районунун тургуну, 1983-жылы туулган А.А. аттуу жаран шектүү катары аныкталган. Ал сурак берүү учурунда чет өлкөдө мигрант болуп эмгектенген классташына жиберүү үчүн 11 даана кара куурай уругун 2 жума мурун социалдык тармактар аркылуу сатып алганын айткан. Ошондой эле товарды жашыруу максатында семичканын баштыгына салып бергенин билдирди", - деп айтылат маалыматта.

Ал эми алынган затты аныктоо үчүн атайын соттук химиялык-экспертиза дайындалган.

Учурда аталган факты боюнча териштирүү иштери жүргүзүлүүдө.