"Ийнеликтин, бактын элесин чагылдырган көйнөктөр". Нью-Йоркто "Мода баллы-2024" кечеси өттү

Бүгүн, 7-майга караган түнү Нью-Йорк шаарында дүйнөдөгү эң чоң деңгээлде боло турчу "Мода баллы-2024" иш-чарасы өткөрүлдү. Бул тууралуу чет элдик басылмалар жазышты.

Кечеге дүйнөнүн белгилүү жылдыздары чакырылган. Аталган кече жыл сайын өткөрүлүп келет. Бул жылы кеченин концепциясы "Уктап жаткан сулуулар: мода ойгонот", ал эми дресс-код "Убакыт бакчасы" деп аталган.

Бул салтанаттуу кече 1948-жылдан бери уюштурулуп келет, аны мода публицисти Элеонор Ламберт негиздеген. Ал аталган баллдын жардамы менен жаңы түзүлгөн искусство музейине акча чогултууну каалаган. Ошол жылдан тартып бул иш-чара салтка айланган.

Мындай өзгөчө кечеге кирүүнү каалагандардын чөнтөгүндө 40 миң доллар акчасынын болуусу, жана алар бир канча талаптарга жооп бериш керек.

Ал эми бул жылы "Мода баллы-2024" кечесине катышкан дүйнө жылдыздарынын көйнөктөрү жылдагыдан өзгөчө экенин мода сүйүүчүлөрү айтышкан. Алардын айрымдарына токтолуп өтсөк:

Модель Кендалл Дженнер 25 жыл мурда тигилген көйнөктү кийип келген.