Мухаммад пайгамбардын 37-урпагы Умар ибн Хафиз Бишкекке келди

Мухаммад пайгамбардын (с.а.в.) 37-урпагы болгон Умар ибн Хафиз Бишкекке келди. Бул тууралуу муфтияттан билдирди.

Дин аалымы кечээ, 7-майда борбор калаадагы Имам Сарахсий башкы мечитинде шам намазын окуп, калаа тургундары менен жолугушкан.

"Ал Йемендин Хадрамаут аймагындагы Тарим шаарында 1963-жылы 27-майга туура келген (1383-жылы 4-мухаррам, дүйшөмбү) күнү төрөлүп, ошол жерде чоңойгон. Ыйык Куранды жаттап, атасынын колунда илим, ыйман жана кооз адеп-ахлак чөйрөсүндө эрезеге жеткен. Учурда дүйнө жүзүн кыдырып, исламий сукпаттарды өткөрүп келет", - деп айтылат муфтияттын маалыматында.

Автор: Кылымбек Бейшеев
Фото: Кыргызстан мусулмандарынын дин башкармалыгы