Кесиптик лицейлердин директорлук орундарына сынак жарыяланды

Кесиптик лицейлердин жана колледждердин директорлорунун бош кызмат орундарына сынак жарыяланды. Бул тууралуу Билим берүү жана илим министрлигинен билдиришти.

Маалыматта документтерди кабыл алуу кечээ, 7-майда башталып, 20-майга чейин уланары айтылат.

Кесиптик лицейлердин жетекчилерине коюлган талаптар:

жогорку кесиптик билиминин болушу;
билим берүү чөйрөсүндө же окуу жайдын профили боюнча 5 жылдан кем эмес иш тажрыйбасы;
Кыргызстандын жарандыгы;

Сынактык тандоого катышуу үчүн керектүү документтердин тизмеси:

Өздүк арыз;
Жарандык паспорттун көчүрмөсү;
Кадрларды эсепке алуу боюнча толтурулган өздүк баракча (иш жүзүндө жашаган жеринин дареги жана телефондорун көрсөтүү менен);
Резюме (электрондук дарегин көрсөтүү менен), өмүр баян (соттолгондугу же соттолбогондугу тууралуу маалыматты көрсөтүү менен);
Белгиленген тартипте күбөлөндүрүлгөн билими жөнүндө документтин көчүрмөсү (нотариалдык же иштеген жериндеги кадр кызматы тарабынан);
Белгиленген тартипте күбөлөндүрүлгөн эмгек китепчесинин көчүрмөсү (нотариалдык же иштеген жериндеги кадр кызматы тарабынан);
Кыргыз Республикасынын ИИМ тарабынан берилген соттолбогондугу жөнүндө маалымкат;
3*4 өлчөмүндөгү 2 сүрөт;
Белгиленген окуу жайды өнүктүрүү боюнча перспективалык иш планы.
Дело №.

Документтерди кабыл алуу төмөнкү дарек боюнча жүргүзүлөт: Бишкек ш., К.Тыныстанов көчөсү, 257. Кыргыз Республикасынын Билим берүү жана илим министрлиги, 219-кабинет.

Толук маалымат шилтеме.

Автор: Айжанар Рыспек кызы
Фото: интернеттен алынды