Бүгүн, 11-майда кыргыз-тажик чек арасындагы “Бор-Дөбө” өткөрмө бекети убактылуу жабылат . Бул тууралуу Чек ара кызматынан билдирди.
Маалыматка ылайык, “Бор-Дөбө-автожол” өткөрүү жайында техникалык жумуштар жүрө тургандыгына байланыштуу, бүгүн саат 16:00дөн баштап 12-май саат 09:00гө чейин адамдарды, транспорт каражаттарын жана жүктөрдү өткөрүү убактылуу токтотулат.
Белгилей кетсек, аталган көп тараптуу көзөмөл-өткөрүү жайы Ош облусунун Алай районунда кыргыз-тажик мамлекеттик чек ара тилкесинде жайгашкан.