Ноокат районуна караштуу Кара-Кокту айылында 150 орундуу мектептин курулушу башталды. Бул тууралуу Архитектура, курулуш жана турак жай-коммуналдык чарба мамлекеттик агенттигинен билдирди.
Маалыматка ылайык, объекттин курулушуна республикалык бюджеттин эсебинен каражат бөлүнгөн. Курулуштун наркы 75 миллион 58 миң сомду түзөт. 2024-жылдын иш планына 5 миллион сом каралып, толук каржылоо ачылган.
Пландык долбоордо объектинин жалпы аянты 1281 чарчы метрди түзүп, окуу имараты 2 кабаттан турат.