"Мушташкандарды ажыратам деп...". Санкт-Петербургда 29 жаштагы кыргызстандык бычактан жараат алды (видео)

Санкт-Петербургдагы метродо мушташып жаткандарды ажыратам деп жатып 29 жаштагы кыргызстандык бычактан жараат алды. Бул тууралуу жергиликтүү басылмалар жазып чыгышты.

Маалым болгондой, окуя 9-майда "Обводный канал" метросунун станциясында орун алган. Анда эки жигиттин жана кыздын ортосунда жаңжал чыгып, 20 жаштагы бала таанышын балка менен чаап жиберген. Аларды арачалоо үчүн 29 жаштагы кыргыз жигит ортосуна түшүп, аны 18 жаштагы бала бычак менен жарадар кылган.

Ага ылайык, чыр-чатакка катышы бар балдар "Проспект Большевиков" станциясынан кармалышып, аларга карата бейбаштык боюнча кылымыш иши козголгону айтылат.