"Манас" аэропортунда жүргүнчүлөрдү каттоодо убактылуу өзгөртүүлөр киргизилди

"Манас" эл аралык аэропортунда ички каттамдар үчүн жүргүнчүлөрдү каттоо аймагы убактылуу 2-кабатка көчүрүлдү. Бул жөнүндө аэропорттон маалымдашты.

Мындай чара катталуу аймагында кеңейтүү иштери жүргүзүлүп жаткандыгына байланыштуу кабыл алынган.

"2-кабаттан каттоодон өткөндөн кийин жүргүнчүлөр 1-кабатка түшөт. Ал жерден учуу алдындагы текшерүүдөн өтүп, андан соң учакка түшүшөт", - деп билдиришти мекемеден.

Ички авиакаттамдардын жүргүнчүлөрүнүн жүктөрү С секторунда (эл аралык авиакомпаниялар үчүн багажды кабыл алуу залында) берилет.

Автор: Айжанар Рыспек кызы
Фото: интернеттен алынды