Камчыбек Ташиев "Альфага" барды (фото)

Бүгүн, 13-майда УКМК төрагасы Камчыбек Ташиев орун басарлары менен биргеликте атайын бөлүктүн курман болгон жоокерлерин эскерүү максатында "Альфа" атайын багыттагы кызматына барды.

Анда УКМК төрагасы атайын кызматка сатылып алынган жаңы аскердик-техникалык жабдуулар менен таанышты.

Белгилей кетсек, «А» атайын кызматы ар дайым жаңы заманбап курал-жарак жана техника менен жабдылып турат.

12-майда "Альфа" атайын кызматы тарабынан каза болгон кызматкерлерди эскерүү күнү белгиленет. Анткени 2006-жылы 12-майда "Альфа" атайын кызматы алгачкы аскердик жоготууларга учураган.

Автор: Азат Бейшенбеков