
Жети-Өгүз районунда адашып кеткен 3 жашар кыз апасына өткөрүлүп берилди. Бул тууралуу бүгүн, 14-майда Ысык-Көл ОИИБинен билдирди.
Маалыматка ылайык, райондук ЖКККБнын кызматкерлери Кызыл-Суу айылында 3 жашар кыздын жалгыз, адашып жүргөнүн байкап, ата-энесин издөөгө киришкен. Натыйжада, кичинекей кыздын апасы Кызыл-Суу айылынан табылып, жаш өспүрүмдү энесине өткөрүп беришти.
"Өз кезегинде апасы милиция кызматкерлерине ыраазычылын билдирип, кызмат өтөөдө албан ийгиликтерди каалады", - деп айтылат маалыматта.