Бишкекте кайрымдуулук дипломатиялык жарманке өттү

Кечээ, 14-майда Бишкекте кайрымдуулук дипломатиялык жарманке өттү. Бул тууралуу Бишкек мэриясынан билдиришти.

Маалымдалгандай, иш-чарага аккредитациядан өткөн 12 дипломатиялык өкүлчүлүк жана 1 консулдук мекеме катышты.

Ага ылайык, жарманкеге келгендер ар кандай товарларды сатып алып, өкүлчүлүктөр чет мамлекеттердин улуттук тамак-аштарынан жана суусундуктарынан даам тата алышты.

"Ал эми жарманкеден түшкөн каражаттын баары кайрымдуулук иштерине жумшалат.

Жарманке Балдарды коргоонун эл аралык күнүнө карата уюштурулууда", - деп айтылат маалыматта.

Белгилей кетсек, жарманкени Тышкы иштер министрлиги жана Бишкек шаарынын мэриясы уюштурууда.

Автор: Максуда Кудайбердиева.