"Наристе жасалма дем алдыруучу апаратта". Депутат абакта эне 6 айлык наристеси менен отурганын айтты (видео)

Бүгүн , 16-майда Жогорку Кеңешитин жыйынында депутат Шарапаткан Мажитова абакта алты айлык оорукчан баласы менен отурган аялдын маселесин көтөрдү.

Анда эл өкүлү эки айдан бери Айганыш аттуу келин алты айлык ымыркайы менен чогу камакта отурганын айтып, баланын ден соолугу начарлап жатканына токтолду.

“Сот бийлигине кийгилише албайбыз. Бирок эки айдан бери беш баланын энеси, Айганыш аттуу келиндин соту болуп жатат. Ал алты айлык баласы менен абакта. Баласы жасалма дем алдыруучу аппарат менен жүрөт экен. Оштогу шайлоочулар маалыматты жиберип жатат, сүрөттөрү менен. Ага жардам берип, баланын ден соолугуна каралашалы. Жаза аткаруу кызматына , ИИМ, Башкы прокуратура, Саламаттыкты сактоо министрлигине бул боюнча тапшырма берсек”, - деди депутат.