Бишкектин айрым жерлеринде үч күн газ болбойт

Бишкек шаарынын айрым жерлеринде 3 күн газ болбойт. Бул тууралуу бүгүн, 17-майда "Газпром Кыргызстан" мекемесинен кабарлашты.

Маалыматка ылайык, орто басымдагы газ өткөргүчүндө тээгин алмаштырууга жана жер астындагы газдын агышын жоюуга байланыштуу 20-майдан 23-майга чейин болбойт.

"Жаратылыш газы Мамлекеттик каттоо кызматы-1, Васильевский тракт, Чоң Чүй каналы, Юбилейная көчөсү, Пригородное айылы, Маевка айылы, Жаш Гвардия көчөсү, Киргизская көчөсү, Коллекторная көчөсү, Саадаева көчөсү, Новая көчөсү, Советский, ӨКМ, Жеңиш, Алтын-Бешик конуштарында убактылуу газ берилбейт", - деп айтылат маалыматта.

Мындан улам мекеме түзүлгөн ыңгайсыздыктар үчүн кечирим сурайт жана абоненттерди жаратылыш газы өчүрүлгөн мезгилде энергиянын алтернативдүү булактарын колдонууну сунуштайт.

Автор: Айжанар Рыспек кызы
Фото: интернеттен алынды