Бишкектеги түндөгү окуя: ИИМ эртең мененкиге карата билдирүү жасады

Бишкек шаарынын аймагында абал туруктуу, учурда аймактагы абал милиция кызматкерлеринин толук көзөмөлүндө. Бул тууралуу Ички иштер министрлиги билдирди.

"Митингдин бардык катышуучулары тарап кетишти, митинг учурунда Кыргыз жана чет элдик жарандардын арасында каза болгондор жана жабыркагандар болгон жок.

Борбор шаарыбыздын бардык көчөлөрүндө унаа каражаттары үчүн кыймыл калыбына келтирилди", - деп билдиришти ИИМден.

Эскерте кетсек, 13-май күнү кечинде Бишкектин чыгыш тарабындагы жатаканалардын биринде жергиликтүү тургундарды чет элдик жарандар сабап жаткандагы видео тараган. Төрт күндөн кийин, тагыраагы кечээ, 17-майда жатаканадан анча алыс эмес жайгашкан Чүй-Курманжан датка көчөлөрүнүн кесилишине жакын жерде чогулган эл чет элдиктерди жоопко тартууну талап кылышкан.

Өз кезегинде Свердлов райондук ички иштер бөлүмү мушташка катышкан чет элдик студенттер кармалганын билдирди.

Автор: Азат Бейшенбеков