"Бүткүл Иран дуба кылып". Ирандын президентин үч сааттан бери издеп жатышат

Азербайжандан келе жатып тик учак менен кулаган Ирандын президенти Ибрахим Раиси табыла элек. Бул тууралуу IRNA агенттиги жазды.

Иран президентинин тик учагы Узи айылынын жанынан үч сааттан бери табыла элек. Биз учурда белгилүү болгон нерселердин баарын чогулттук:

— Ибрахим Раисини издөөгө 40 куткаруучу топ жөнөтүлдү.

— Президенттин тирүү экени белгисиз. Анын абалы жакшы деген алгачкы кабарлар Ирандын бардык маалымат сайттарынан өчүрүлдү.

— АКШнын расмий өкүлдөрү Раиси каза болду деп божомолдоп жатышат. Америка Кошмо Штаттарынын маалымат каражаттары окуя Байденге жеткирилгенин билдирди.

— Ирандын башчысы каза болсо, анын ордун вице-президент Мохаммад Махбар ээлейт.

— Ирандын телеканалдары өлкөнүн бардык мечиттеринде миңдеген адамдар Раисиге кантип дуба кылып жатышканын көрсөтүп жатышат.

Ислам республикасынын башчысынын расмий аккаунтунда президент үчүн дуба кылууну улантууну суранган билдирүү пайда болду.

— Издөө иштери жүрүп жаткан аймакта жамгыр жаап, туман тарай баштады.

Автор: Азат Бейшенбеков