"Ала-Тоо" аянтына кызыл китепке кирген бүркүттү алып келишкен. Ал алынды

Жаратылыш ресурстары министрлигинин Экологиялык техникалык көзөмөл жана биологиялык ресурстар кызматынын кызматкерлери Бишкекте рейд өткөрүштү. Бул тууралуу аталган министрликтин басма сөз кызматы билдирди.

Маалыматка ылайык, алар рейд учурунда Бишкектин "Ала-Тоо" аянтында кызыл китепке кирген бүркүттү алып келгендерди аныкташкан.

"Эреже бузуулар жөнүндө кодекстин 262-беренесин бузгандыгы үчүн жеке жактарга 20 миң сом, юридикалык жактарга 65 миң сом айып салынат", - деп баса белгиледи Жаратылыш ресурстары министрлиги.

Мындан тышкары кызматкерлер куштун ээсине түшүндүрүү иштерин жүргүзүшүп, бүркүттү алышкан. Куш жапайы жаратылышты коргоо бөлүмүнө өткөрүлдү.

Автор: Азат Бейшенбеков