Казакстанда Армения менен Азербайжандын кезектеги сүйлөшүүлөрү өттү

Май айында Алматыда Азербайжан менен Армениянын тышкы иштер министрлери Жейхун Байрамов менен Арарат Мирзояндын ортосунда тынчтык сүйлөшүүлөрү өткөн. Ортомчу Казакстан президенти Касым-Жомарт Токаев болду. Ал мурда Армениянын премьер-министри Никол Пашинян менен Еревандагы жолугушуусунда Каспий аймагында тынчтык орнотууга салым кошуу ниетин билдирген.

Буга байланыштуу саясат таануучу Алмаз Тажыбай жолугушуу канчалык ийгиликтүү өткөнүн жана Токаевдин тынчтык орнотуучу катары чыга алган-албагандыгын айтып берди.

Анын айтымында, Азербайжан менен Армениянын ортосундагы сүйлөшүү процессинин негизги пункттары буга чейин эле чечилген. Мындан тышкары ал Токаев Баку үчүн да пайдалуу болгон экономикалык маселелерди чечүүгө кызыкдар экенин кошумчалады.

"90-жылдары Кыргызстан тынчтык орнотуучу жана пайдалуу ортомчу статусуна ээ болгон. Бирок кырдаал өзгөрдү. Албетте, атаандаштык жана өз көйгөйлөрүн чечүү бар. Ал эми Алиев менен Пашинян чече турган дагы көп маселелер бар", - деди ал.

Ошондой эле ал Алматыдагы сүйлөшүүлөрдө Казакстандын вице-премьер-министри жана тышкы иштер министри Мурат Нуртлеу кесиптештери менен кандай форматта жолугушканын түшүндүрдү.

Алмаз Тажыбай Армения менен Азербайжандын ТИМ министрлери тынчтык келишиминин долбоорун мындан ары талкуулоого жана ал жерде калган маселелерди чечүүгө даяр экендиги тууралуу окшош билдирүүлөрдү жарыялашса да учурда дагы деле пикир келишпестиктер бар экендигин айтып өттү.

Автор: Максуда Кудайбердиева.