Бишкектеги китепканада адабий-музыкалуу кече болуп өттү

Бишкек шаардык борборлоштурулган китепканада китепканачылар күнүнө арналган адабий-музыкалуу кече болуп өттү. Бул тууралуу бүгүн, 27-майда мекемеден билдиришти.

Иш-чарада шаардык борборлоштурулган китепканалар тармагынын директору Күлсайра Дандыбаева шаардагы 28 китепканалардын башчыларын жана китепканачыларды кесиптик майрамдары менен куттуктады.

Анын алкагында "Мыкты китепканачы — 2024” сынагы орун алып, шаардык борбордук китепкананын кызматкери Чынара Расакова баш байгени жеңип алды.

Майрамга арналган сынактын жүрүшүн элдик өнөрпоз Майрам Турдубаева жетектеген “Өмүр” шайырлар тобунун ырчылары коштоп турушту.

Автор: Айжанар Рыспек кызы