Ош шаарында жолдорду капиталдык оңдоо иштери башталды

Ош мэри Бакытбек Жетигенов Жибек Жолу муниципалдык аймактык башкармалыгындагы №177 жана Керме-Тоо муниципалдык аймактык башкармалыгындагы Чкалов көчөсүндө башталган жолдорду капиталдык оңдоп-түзөө иштери менен таанышып чыкты. Бул тууралуу Ош мэриясынан билдиришти.

Маалымдалгандай, аталган көчөлөрдөгү оңдоп-түзөө иштери жергиликтүү тургундардын кайрылууларына ылайык жүргүзүлүп, жергиликтүү жашоочулар тарабынан көмөк көрсөтүлүүдө.

"№177 көчөсүндөгү жолдун узундугу 2,33 чакырым, туурасы 9 метрди түзөт. Узундугу 1 чакырым, туурасы 2,25 метрди түзгөн тротуар кошо курулат", - деп айтылат маалыматта.

Ага ылайык, Чкалов көчөсүндө 850 метр жол толук оңдолуп, эки көчөдө тең ирригациялык тармактар, жарыктандыруу системалары орнотулат.

Автор: Максуда Кудайбердиева.