Иран Орусияга жаңы "Qaem-5" авиа бомбаларын жеткирди

Аскердик эксперт Юлиан Рёпке дүйшөмбү күнү, 27-майда Bild басылмасына билдиргендей, Иран биринчи жолу Орусияга Украинанын аймагына сокку уруу үчүн акыркы аба бомбаларын берди.

Анын айтымында, 26-майда Орусиянын Курск аймагына кулап түшкөн ирандык «Qods Mohajer-6» учкучсуз учагынын бортунда акыркы ирандык Qaem-5 (Каем-5) авиа бомбалары болгон. Болжолдуу түрдө учкучсуз учак Сумы аймагына чабуул жасашы керек болчу.

Кадрларга караганда, учкучсуз учакта орус армиясы Украина менен болгон согушта мурда колдонбогон Каем-5 авиа бомбалары болгон.

BBC News белгилегендей, Каем-5 аба бомбасынын жарыяланган учуу аралыгы 40 чакырымга чейин, ал эми минималдуу операциялык бийиктиги 3 чакырымга жакын. Иранда ал 2019-жылдын августунда ишке киргизилген.

Рёпке Каем-5 аба бомбасынын колдонулушу Иран менен Орусиянын ортосундагы аскердик кызматташтыктын “жаңы деңгээлин” көрсөтөт деп эсептейт.

Автор: Азат Бейшенбеков