Бишкекте чет өлкөнүн жараны өз мекендешин алдаганга шектелип кармалды

Бишкекте алдамчылыкка шектелип чет өлкөнүн жараны кармалды. Бул тууралуу шаардык милиция билдирди.

Маалыматка ылайык, былтыр 25-ноябрда милицияга чет өлкөнүн жараны арыз менен кайрылган. Арыз ээси өз мекендеши ишеничине кирип, 2020-2021-жылдары "акчасын сатылгандан кийин кайтарып берем" деген убадасы менен ар түрдүү товарларын алып, бирок кайтарбай жүргөнүн айткан. Натыйжада жабырлануучу 75 миң доллар зыян тарткан.

Аталган факты боюнча Кылмыш-жаза кодексинин 209-беренесине (Алдамчылык) ылайык кылмыш иши козголгон.

Шектүү катары 1994-жылы туулган чет өлкөнүн Х.Х. аттуу жараны кармалып, убактылуу кармоочу жайга киригизилген.

Милиция учурда шектүүнүн башка ушул сыяктуу кылмыш фактыларына катыштыгы бар экендигин аныктоо иштери жүрүп жатканын кошумчалады.

Автор: Кылымбек Бейшеев
Фото: Бишкек ШИИББ