Баш калаадагы 37 билим берүү мекемесинде мектеп лагерлери ачылат

Бишкек шаарындагы 37 билим берүү мекемесинде мектеп лагерлери уюштурулат. Бул тууралуу шаардык мэрия билдирип, ага 4275 бала катышарын айтты.

Белгилей кетсек, мектеп лагерлери 3-июндан 28-июнга чейин саат 8:00дөн 14:00гө чейин иштейт.

Кошумчалай кетсек, июль айында окуунун отличниктери жана активисттери, аз камсыз болгон, көп балалуу үй-бүлөлөрдүн балдары Ысык-Көлдүн жээгинде эс алышат.

Мындан тышкары шаарда балдардын чыгармачылык борборлору ачылып, каалоочулар ар кандай ийримдерге, секцияларга катыша алышат.

Автор: Айжанар Рыспек кызы
Фото: Бишкек мэриясы