"Элит Хаустун" негиздөөчүсү Тимур Файзиев үй камагына чыкты

“Элит Хаус” компаниясынын негиздөөчүсү Тимур Файзиев УКМКнын СИЗОсунан бошотулду. Бул тууралуу Бишкек шаардык сотунан кабарлашты.

Маалыматка ылайык, кечээ, 29-майда Октябрь райондук соту Тимур Файзиевди үй камагына чыгарган. Ал 4-июлга чейин үй камагында болот.

Эскерте кетсек, Файзиевге Кылмыш-жаза кодексинин "Кылмыштуу кирешелерди легализациялоо (адалдоо)" беренеси боюнча кылмыш иши козголгон. Ал былтыр 10-октябрда кармалып, тергөө абагына киргизилген.

Автор: Азат Бейшенбеков