Бишкектеги "Манас" эл аралык аэропортунда америкалык Tesla Cybertruck электромобили байкалды. Мындай видео социалдык тармактарга тарады.
Видеодон көрүнгөндөй, жаңы электромобилди аэропорттон жүктөп кетишкен. Ал боюнча башка маалымат жок.
Cybertruck — Тесланын төрт жылдан берки биринчи жаңы модели. Компаниянын негиздөөчүсү Илон Маск унаа 96 км/саат ылдамдыкка 2,9 секундда жете аларын айткан. Ошондой эле бир заряды менен 1 жарым тоннадан ашык жүк жүктөп алып, 800 чакырымга чейин жүрө алат.