"Тазаланыш керек". Максат Асаналиев прокуратурада кандай өзгөртүүлөрдү жасайт? Өзү жооп берди

Бүгүн, 5-июнда Жогорку Кеңеште башкы прокурорлук кызматка Максат Асаналиевдин талапкерлиги каралууда.

Анда ал прокуратура системасында көп көйгөйлөр бар экенин жашырган жок.

"Ишти жакшыртуу боюнча көп көйгөйлөр бар. Мен прокуратура кызматкери катары ал көйгөйлөрдү ичинен жакшы билем. Эң биринчи - жарандардын кайрылуулары. Кайрылуулар көбүнчө тергөөнүн сапатына, прокурор менен соттордун чыгарган чечимдерине байланыштуу. Бул прокуратура системасында жарандардын кайрылуулары боюнча сапаттуу иш алып баруудан кабар берет.

Кайрылуу менен келген адамды кунт коюп угуп, мыйзам чегинде өз убагында иш алып барса көптөгөн маселелер чечилет деген ойдомун", - деди ал.

Ошондой эле ал прокуратура системасында коррупцияга аралашкан кызматкерлер бар экенин жашырган жок.

"Менин көз карашым - андай кызматкерлерден тазаланышыбыз керек", - деди Асаналиев.

Автор: Азат Бейшенбеков